ಕನ್ನಡ ಚುಟುಕಗಳು

1. ಹೂವಿಗೆ ಹೇಳಬೇಡ ನಿನ್ನ ಹೆಸರು
   ದುಂಬಿಗೂ ಹೇಳಬೇಡ ನಿನ್ನ ಹೆಸರು
   ಏಕೆಂದರೆ ನಿನ್ನ ಹೆಸರು ಹೇಳುತ್ತಲೇ
ಹೋಗುವುದು ಅವುಗಳ ಉಸಿರು

2. ಕತ್ತಲಲಿ ಕಣ್ಣಾದವಳು ನೀನು ತಾನೇ
   ಬೆಳಕಾಗಿ ಕೈ ಹಿಡಿದುದು ನೀನು ತಾನೇ
   ಅಂದರೆ ನೀನು ಟಾರ್ಚ್ ಅಲ್ಲವೇನೆ? 

3. ನೀ ಕೈಗೆಟುಕದಿದ್ದರೆ ಇಲ್ಲ ಆನಂದ
   ನೀ ಕೈಗೆಟುಕಿದರೆ ಆತ್ಮಾನಂದ, ಬ್ರಹ್ಮಾನಂದ
  ಹಾಗಾದರೆ ನೀನು– ರಮ್ಮಾನಂದ (Rum + ಆನಂದ)

4. ಓ ನನ್ನ ಮನದನ್ನೆ
ನೀ ಮಾಡಿದ್ದಕ್ಕೆ ಕಣ್ಸನ್ನೆ
ಟೆಸ್ಟಲ್ಲಿ ನಾ ತೆಗೆದದ್ದು
ಎರಡು ಸೊನ್ನೆ

5. ಪ್ರೇಯಸಿ ಎಂದರೆ ಕೇಳು
ಪ್ರೇಮಿಗೆ ಯಶ ತರುವ ಸಿಂಗಾರಿ
ಆದರೆ ಈಗೀಗ ‘ಪೇ ಅಂಡ್ ಪ್ರೇ‘ಮಾಡಿದರೆ ‘ಯಸ್”ಇಲ್ಲದಿದ್ದರೆ ‘ಸಾರೀ’

6. ಅಂಧಕಾರವೆಂದರೇನು ಎಂದು
ತಿಳಿಯ ಬಯಸಿ ಹುಡುಕುತ ಹೊರಟೆ
ಕಂಡು–ಕಂಡವರ ಕೇಳಿದೆ
ಬುಕ್ಕು, ಅಂತರ್ಜಾಲವ ತಡಕಾಡಿದೆ
ಆದರೆ ನನಗೆ ತಿಳಿಯದೇ ಹೋಯಿತು
ನನ್ನ ಕಣ್ಣಿಗೆ ಪೊರೆ ಬಂದಿದೆಯೆಂದು

7. ನಾನಾದರೂ ಯಾರಿಗಾಗಿ ಬರೆಯಲಿ
ಎಂದು ಬರೆದಿದ್ದ ಕಾಗದ ತೆಗೆದು ಎಸೆದಿದ್ದೆ
ನನಗೆ ತಿಳಿಯದೇ ನೀನು ತೆಗೆದೊಯ್ದು
ಓದಿ ನೀ ಅಳುತ ಕುಳಿತಿದ್ದೆ