ಮೇಡಂ ಕ್ಯೂರಿಗೆ ನೊಬೆಲ್ ಪಾರಿತೋಷಕ ಸಿಕ್ಕಿತು. ಒಂದಲ್ಲ, ಎರಡಲ್ಲ. ಅವಳ ಮನೆಗೆ ಐದು ನೊಬೆಲ್ ಪಾರಿತೋಷಕ ಸಿಕ್ಕಿತು. ಆಕೆಗೆ ಎರಡು, ಗಂಡನಿಗೆ ಒಂದು, ಮಗಳಿಗೆ ಒಂದು, ಅಳಿಯನಿಗೆ ಒಂದು.
ಆಕೆಗೆ ನೊಬೆಲ್ ಪಾರಿತೋಷಕ ಸಿಕ್ಕಾಗ ದೇಶವೇ ಆಶ್ಚರ್ಯಪಟ್ಟಿತು, ಕೊಂಡಾಡಿತು. ಆ ಸಂದರ್ಭದಲ್ಲಿ ಆಕೆ ತೋಟದ ಮನೆಯಲ್ಲಿದ್ದಳು. ಮೇಡಂ ಕ್ಯೂರಿಯನ್ನು ಸಂದರ್ಶಿಸುವುದಕ್ಕೆ ಮಾಧ್ಯಮದವರು ತೋಟದ ಮನೆಗೆ ಬಂದರು. ಅಲ್ಲಿಯೇ ಕೈತೋಟದಲ್ಲಿ ಕೆಲಸ ಮಾಡುತ್ತಿದ್ದವಳನ್ನು ಇವರು ಕೇಳಿದರು. ನಾವು ಮೇಡಂ ಕ್ಯೂರಿಯನ್ನು ಸಂದರ್ಶಿಸುವುದಕ್ಕೆ ಬಂದಿದ್ದೇವೆ. ಅವರಿಗೆ ಸ್ವಲ್ಪ ತಿಳಿಸಿ ಅಂದರು. ಅದಕ್ಕೆ ಆಕೆ, "ಅವರು ಈಗ ಸಧ್ಯಕ್ಕೆ ನಿಮಗೆ ಸಿಗುವುದಿಲ್ಲ, ಒಂದು ವೇಳೆ ಅವರೇ ಬೇಕು ಅಂದರೆ ಬಹಳ ಹೊತ್ತಿನವರೆಗೆ ಕಾಯಬೇಕಾಗುತ್ತದೆ" ಎಂದಳು.
ಮಾಧ್ಯಮದವರಿಗೆ ಆಕೆಯೇ ಮೇಡಂ ಕ್ಯೂರಿ ಎಂಬುದು ಗೊತ್ತಾಗಲಿಲ್ಲ. ಆಕೆಯ ಮನೆಯ ಕೆಲಸದವಳು ಅಂತ ತಿಳಿದಿದ್ದರು. ಏಕೆಂದರೆ ಅವಳ ಬಟ್ಟೆ ಹಾಗೆ ಇದ್ದವು. ಕೊನೆಗೆ ಮಾಧ್ಯಮದವರಿಗೆ "ನಿಮಗೋಸ್ಕರ ಮೇಡಂ ಕ್ಯೂರಿಯವರು ಒಂದು ಸಂದೇಶ ಇಟ್ಟಿದ್ದಾರೆ ಅದನ್ನು ತಗೆದುಕೊಳ್ಳಿ" ಎಂದು ಕೊಟ್ಟಳು.
ಅದರಲ್ಲಿ "Take more interest in objects to knowing the secrets of world, not in the person" ಅಂದರೆ, "ನೀವು ಜಗತ್ತಿನ ರಹಸ್ಯಗಳನ್ನು ತಿಳಿದುಕೊಳ್ಳಲು ಪ್ರಯತ್ನಿಸಿ, ವ್ಯಕ್ತಿಯನ್ನಲ್ಲ" ಎಂದು ಬರೆದಿತ್ತು.
ನೀತಿ :-- ನಮಗೇನಾದರೂ ನೊಬೆಲ್ ಪ್ರಶಸ್ತಿ ಸಿಗುತ್ತದೆ ಅಂದರೆ ಸಾಕು, ಕನಸು ಕಾಣುವುದಕ್ಕೆ ಶುರುವಾಗುತ್ತದೆ, ಹುಚ್ಚು ಹಿಡಿಯುತ್ತದೆ. ಆದರೆ ವಿಜ್ಞಾನಿಗಳ ಮನಸ್ಸು, ಎಂಥದ್ದು? ಬದುಕು ಕಟ್ಟಿಕೊಳ್ಳಲು ಮನಸ್ಸು ಗಟ್ಟಿಯಾಗಬೇಕು.