ಜಾಗತಿಕ ರಿಯಲ್‌ ಎಸ್ಟೇಟ್‌ ಪಾರದರ್ಶಕತೆ : 34ನೇ ಸ್ಥಾನದಲ್ಲಿ ಭಾರತ

ಜಾಗತಿಕ ರಿಯಲ್‌ ಎಸ್ಟೇಟ್‌ ಪಾರದರ್ಶಕ ಸೂಚ್ಯಂಕದಲ್ಲಿ ಭಾರತದ ಶ್ರೇಯಾಂಕವು ಈ ವರ್ಷ ಒಂದು ಹಂತ ಮೇಲೆ ಏರಿದೆ.

======

ನಿಯಂತ್ರಣ ಕ್ರಮಗಳಲ್ಲಿನ ಸುಧಾರಣೆ, ಮಾರುಕಟ್ಟೆ ಕುರಿತ ಉತ್ತಮ ಮಾಹಿತಿ, ಅಭಿವೃದ್ಧಿ ಕುರಿತ ಪರಿಸರ ಕಾಳಜಿ ಪರಿಗಣನೆ ಮತ್ತಿತರ ಕ್ರಮಗಳಿಂದ ಎರಡು ವರ್ಷಗಳ ಹಿಂದೆ 35ನೇ ಸ್ಥಾನದಲ್ಲಿದ್ದ ಭಾರತ ಈಗ 34ನೇ ಸ್ಥಾನಕ್ಕೆ ಏರಿಕೆಯಾಗಿದೆ.

======

ರಿಯಲ್‌ ಎಸ್ಟೇಟ್‌ ವಲಯದ ಸುಧಾರಣೆಗಾಗಿ ಜಾರಿಗೆ ತಂದಿರುವ  ರಿಯಲ್‌ ಎಸ್ಟೇಟ್‌ ನಿಯಂತ್ರಣ ಮತ್ತು ಅಭಿವೃದ್ಧಿ ಕಾಯ್ದೆ 2016 (ರೇರಾ) ಮತ್ತು ಜಿಎಸ್‌ಟಿ, ಬೇನಾಮಿ ವಹಿವಾಟು ನಿರ್ಬಂಧ (ತಿದ್ದುಪಡಿ) ಕಾಯ್ದೆ, ದಿವಾಳಿ ಸಂಹಿತೆ (ಐಬಿಸಿ) ಹಾಗೂ ಭೂ ದಾಖಲೆಗಳ ಡಿಜಿಟಲೀಕರಣವು ಈ ವಲಯದಲ್ಲಿ ಹೆಚ್ಚಿನ ಪಾರದರ್ಶಕತೆ ತಂದುಕೊಟ್ಟಿದೆ. ದೇಶದ ರಿಯಲ್‌ ಎಸ್ಟೇಟ್‌ನ ಹೂಡಿಕೆ ಬಗ್ಗೆ ಸಾಂಸ್ಥಿಕ ಹೂಡಿಕೆದಾರರಲ್ಲಿ ಹೆಚ್ಚು ಆಸಕ್ತಿ ಕಂಡು ಬರುತ್ತಿದೆ. ಸದ್ಯಕ್ಕೆ ದೇಶದ ರಿಯಲ್‌ ಎಸ್ಟೇಟ್‌ ಮಾರುಕಟ್ಟೆಯನ್ನು ‘ಅರೆ ಪಾರದರ್ಶಕ ವಲಯ’ದಲ್ಲಿ ಇರಿಸಲಾಗಿದೆ ಎಂದು ಆಸ್ತಿ ಸಲಹಾ ಸಂಸ್ಥೆ ಜೆಎಲ್‌ಎಲ್‌ ತಿಳಿಸಿದೆ.

=======

ಪಾರದರ್ಶಕ ಸೂಚ್ಯಂಕದ  99 ದೇಶಗಳ ಸಾಲಿನಲ್ಲಿ ಇಂಗ್ಲೆಂಡ್‌ ಮೊದಲ ಸ್ಥಾನದಲ್ಲಿ ಇದೆ. ನಂತರದ ಸ್ಥಾನದಲ್ಲಿ ಅಮೆರಿಕ, ಆಸ್ಟ್ರೇಲಿಯಾ, ಫ್ರಾನ್ಸ್‌, ಕೆನಡಾ, ನ್ಯೂಜಿಲೆಂಡ್‌, ನೆದರ್ಲೆಂಡ್‌, ಐರ್ಲೆಂಡ್‌, ಸ್ವೀಡನ್‌ ಮತ್ತು ಜರ್ಮನಿ ದೇಶಗಳಿವೆ.

======

ಮೊದಲ 10 ದೇಶಗಳು ಗರಿಷ್ಠ ಪಾರದರ್ಶಕತೆಯ ಮತ್ತು 11 ರಿಂದ 33 ಸ್ಥಾನದಲ್ಲಿನ ದೇಶಗಳು ಪಾರದರ್ಶಕ ದೇಶಗಳೆಂದು ವರ್ಗೀಕರಿಸಲಾಗಿದೆ. ಪ್ರತಿ ಎರಡು ವರ್ಷಗಳಿಗೊಮ್ಮೆ ಈ ಸಮೀಕ್ಷೆ ನಡೆಯುತ್ತಿದೆ.

===============

💐 ರಿಯಲ್‌ ಎಸ್ಟೇಟ್‌ ಪಾರದರ್ಶಕ ಸ್ಥಾನಮಾನ

===========

> ದೇಶ; ಶ್ರೇಯಾಂಕ

> ಇಂಗ್ಲೆಂಡ್‌; 1

> ಅಮೆರಿಕ; 2

> ಆಸ್ಟ್ರೇಲಿಯಾ; 3

> ಚೀನಾ; 32

> ಭಾರತ;34

> ಶ್ರೀಲಂಕಾ; 65

> ಪಾಕಿಸ್ತಾನ;73

==============