ಉಳಿತಾಯ ಖಾತೆಗಳ ಮೇಲಿನ ಬಡ್ಡಿಯನ್ನು ಬ್ಯಾಂಕುಗಳು ಹೇಗೆ ಲೆಕ್ಕ ಹಾಕುತ್ತವೆ? ನನ್ನ ಬ್ಯಾಂಕ್ ಮೂರು ತಿಂಗಳಿಗೊಮ್ಮೆ ಬಡ್ಡಿ ನೀಡುತ್ತದೆ. ಈ ಅವಧಿಯಲ್ಲಿ ನಾನು ಅನೇಕ ವಹಿವಾಟುಗಳನ್ನು ಮಾಡಿದರೆ, ಬಡ್ಡಿಯನ್ನು ಹೇಗೆ ಲೆಕ್ಕ ಹಾಕಲಾಗುತ್ತದೆ?

 ಬ್ಯಾಂಕಿನ ಉಳಿತಾಯ ಖಾತೆಯಲ್ಲಿರುವ ಹಣಕ್ಕೆ ಪ್ರತಿ ದಿನದ ಬಡ್ಡಿ ಲೆಕ್ಕ ಹಾಕಿ ಮೂರು ತಿಂಗಳಿಗೊಮ್ಮೆ ಒಟ್ಟು ಬಡ್ಡಿಯನ್ನು ಖಾತೆಗೆ ಸೇರಿಸಲಾಗುತ್ತದೆ.

ದಿನದ ಬಡ್ಡಿ ಲೆಕ್ಕ ಹಾಕಲು ಆ ದಿನದ ಅತಿ ಕಡಿಮೆ ಬ್ಯಾಲನ್ಸ್ ಅನ್ನು ಪರಿಗಣಿಸಲಾಗುತ್ತದೆ.

ಒಂದು ದಿನದ ಬಡ್ಡಿ ದರ =

(ವಾರ್ಷಿಕ ದರ) / (ವರ್ಷದ ದಿನಗಳ ಸಂಖ್ಯೆ).

ವಾರ್ಷಿಕ ದರ 2.70% ಇದ್ದರೆ

ಇಸವಿ 2020ರ ಹಾಗೆ ಲೀಪ್ ವರ್ಷದಲ್ಲಿ

ಒಂದು ದಿನದ ಬಡ್ಡಿ ದರ = (2.7/100)/366.

ಇತರ ವರ್ಷಗಳಲ್ಲಿ

ಒಂದು ದಿನದ ಬಡ್ಡಿ ದರ = (2.7/100)/365.

ಉದಾಹರಣೆಗೆ ಯಾವುದೋ ಒಂದು ದಿನದ ಪ್ರಾರಂಭದಲ್ಲಿ 62000 ರೂ ಇದೆ ಅನ್ನಿ.

ಆ ದಿನದಲ್ಲಿ 8000 ರೂ ಡ್ರಾ ಮಾಡಿದರೆ ಆಗುವ ಬ್ಯಾಲನ್ಸ್

62000–8000=54000.

ನಂತರ ಅದೇ ದಿನದಲ್ಲಿ 15000 ರೂ ಜಮಾ ಮಾಡಿದರೆ ಆಗುವ ಬ್ಯಾಲನ್ಸ್ 54000+15000=69000.

ಆ ದಿನದ ಕನಿಷ್ಠ ಬ್ಯಾಲನ್ಸ್ 54000.

ಆ ದಿನದ ಬಡ್ಡಿ 54000*(2.7/100)/366 = 3.98 ರೂ.

ಈ ರೀತಿ ಮೂರು ತಿಂಗಳ ಪ್ರತಿ ದಿನ ಲೆಕ್ಕ ಹಾಕಿ ಬಂದ ಒಟ್ಟು ಬಡ್ಡಿಯನ್ನು ಮೂರು ತಿಂಗಳ ಕೊನೆಯ ದಿನ ಖಾತೆಗೆ ಸೇರಿಸುತ್ತಾರೆ. ಅಂದರೆ ಖಾತೆಯ ಹಣಕ್ಕೆ ತ್ರೈಮಾಸಿಕ ಚಕ್ರಬಡ್ಡಿ ದೊರೆಯುತ್ತದೆ.