ನೋಡಿ ಸ್ವಾಮಿ ಪ್ರಶ್ನೆ ಕೇಳಿ ಕೇಳಿನೆ ನಾನು ಸನಾತನ ಧರ್ಮಾಚರಣೆಗೆ ಕೊಳ್ಳಿ ಇಡ್ತೀವೇನೋ ಅನ್ನಿಸ್ತಿದೆ. ನಿಮಗೆ ಹೀಗೆ ಇಂತಹ ಜಾಲತಾಣಗಳಲ್ಲಿ ಕೇಳುವ ಪ್ರಶ್ನೆ ಇದಲ್ಲ. ನೀವು ಆಸ್ತಿಕರಾಗಿದ್ದು ದೇವರ ಪೂಜೆಯಿಂದ ದೇವಸ್ಥಾನಗಳಿಗೆ ಹೋಗುತ್ತಿರುವುದರಿಂದ, ಪ್ರಾರ್ಥನೆಗೈಯ್ಯುವುದರಿಂದ ಸಂತುಷ್ಟರಾಗುತ್ತಿದ್ದರೆ ಅದರಿಂದ ಒಳ್ಳೆಯದಾಗುತ್ತದೆ ಅನ್ನುವ ಭಾವನೆ ಇದ್ದರೆ, ನೀವು ಇಂಥ ವಿಷಯಗಳ ಬಗೆಗೆ ನಿರ್ಧಾರ ತೆಗೆದುಕೊಳ್ಳಲು ನಿಮಗಾಗುತ್ತದೆ. ಒಂದು ವೇಳೆ ಆಗುವುದಿಲ್ಲ ಅಂತಾದರೆ ಒಬ್ಬ ಒಳ್ಳೆ ಸನಾತನ ಜ್ಞಾನವಿರುವ ಪಂಡಿತರನ್ನು (ದೇವಸ್ಥಾನದಲ್ಲಿ ತೀರ್ಥ ಕೊಡುವ ಬ್ರಾಹ್ಮಣನಲ್ಲ ಅಥವಾ ಪೂಜೆ ಮಾಡುವವರು ಅಲ್ಲ) ಸಂಪರ್ಕಿಸಿ ನಿಮ್ಮ ಸಂಶಯಗಳನ್ನೆಲ್ಲ ನಿವಾರಿಸಿಕೊಳ್ಳಬಹುದು. ಉದಾಹರಣೆಗೆ ಬನ್ನಂಜೆ ಗೋವಿಂದಾಚಾರ್ಯರಂಥವರು (ಅವರಿಲ್ಲ ಈಗ), ಶತಾವಧಾನಿ ಗಣೇಶ್ ಅವರಂಥವರು, ಶ್ರೀ ಪಾವಗಡ ಪ್ರಕಾಶವರಂಥವರು ನಿಮ್ಮ ಪ್ರಶ್ನೆಗಳಿಗೆ ಸರಿಯಾದ ಉತ್ತರ ಕೊಟ್ಟಾರು. ಇಲ್ಲಿ ಕೇಳಿದರೆ ಅಷ್ಟೊಂದು ಸಮಂಜಸವಾದ ಆಧ್ಯಾತ್ಮಿಕ ಉತ್ತರ ಸಿಗಲಿಕ್ಕಿಲ್ಲ.
ನಿಜವಾಗಿ ನಾವು ನಮ್ಮ ಆಚರಣೆಗಳನ್ನು ವಿಜ್ಞಾನದೊಡನೆ ಸಮೀಕರಿಸಲು ಪ್ರಯತ್ನಿಸುತ್ತೇವೆ. ಹಿಂದಿನಕಾಲದಲ್ಲಿ ಆಚರಣೆ ದೇವರಿಗೋಸ್ಕರ ಎಂದು ತಿಳಿದವರು ಹೇಳುತ್ತಿದ್ದಾರೆ ಹಾಗೂ ಮಾಡುವವರು ಅನುಮೋದಿಸುತ್ತಿದ್ದರು. ಯಾಕೆಂದರೆ ವಿಜ್ಞಾದ ಮೊರೆಹೊಕ್ಕರೆ ನಾವು, ಅಲ್ಲಿ ತಿಳಿಸಿದ ವಿಷಯಕ್ಕೆ ವಿರುದ್ಧವಾಗಿ ಮಾತಾಡಲು ಪ್ರಾರಂಭಿಸುತ್ತೇವೆ. ಉದಾಹರಣೆಗೆ ಚಾತುರ್ಮಾಸ ದಲ್ಲಿ ಒಂದೊಂದು ತಿಂಗಳು ಒಂದೊಂದು ಆಹಾರ ತ್ಯಜಿಸಬೇಕು, ದೇವರಿಗೋಸ್ಕರ ಅಂತ ಶಾಸ್ತ್ರ ಹೇಳಿದ್ದು, ಆದರೆ ವಿಜ್ಞಾನ ಹೇಳುತ್ತದೆ ಆದಿನಗಳ ವಾತಾವರಣಕ್ಕೆ ಆಯಾ ಖಾದ್ಯಗಳು ಒಳ್ಳೆಯದಲ್ಲ ಅಂತ. ದೇವರಿಗೋಸ್ಕರ ಅಂತ ನಂಬುವವರು ಸುಮ್ಮನೆ ಆಚರಿಸುತ್ತಾರೆ, ಆದರೆ ವಿಜ್ಞಾನದ ಪ್ರಕಾರ ಹೋಗುವವರು, ಜ್ವರ ಬರುತ್ತದೆ ಬರಲಿ, ಮಾತ್ರೆ ಇಲ್ಲವೇ? ವೈದ್ಯರಿಲ್ಲವೇ ಅಂತ ವಾದಿಸುತ್ತಾರೆ. ಗ್ರಹಣಗಳ ವಿಚಾರದಲ್ಲೂ ಹೀಗೆ ನಡೆಯುತ್ತದೆ.
ಆದ್ದರಿಂದ ತೀರ್ಥದ ವಿಷಯದಲ್ಲೂ ವೈಜ್ಞಾನಿಕವಾಗಿ ಆಲೋಚಿಸಿದಾಗ, ವಿಶೇಷ ಶಿಲೆಯ (ದೇವಾ ಮೂರ್ತಿ) ಮೇಲಿಂದ ಬಿದ್ದ, ತುಳಸಿ, ಬಿಲ್ವಪತ್ರೆ, ಅರಿಷಣ ಹಾಗೂ ಚಂದನದಂಥವುಗಳಿಂದ ಕೂಡಿ, ವಿಶೇಷ ತಾಮ್ರಪಾತ್ರೆಯಲ್ಲಿ ಇದ್ದು ನಂತರ ನಮ್ಮ ಕೈಗೆ ಬರುವ ಆ ಜಲ ವಿಶೇಷವಾಗಿದ್ದಿರುತ್ತದೆ, ಅದು ಆರೋಗ್ಯಕ್ಕೆ ಒಳ್ಳೆಯದೆಂಬ ಭಾವನೆ.
ಅದೆಲ್ಲ ಬಿಟ್ಟು ಜನ್ಮಾಂತರದಿಂದ ಈ ತೀರ್ಥದ ಸೇವನೆ ಆಧ್ಯಾತ್ಮಿಕವಾಗಿ ಮಹತ್ವದ್ದು, ಅದರಿಂದ ದೇವರ ಸಾಕ್ಷಾತ್ಕಾರವಾಗುತ್ತದೆ ಎಂದು ತೆಗೆದುಕೊಂಡರೆ ಮನಸ್ಸಿಗೆ ಶಾಂತಿ ಹಾಗೂ ನೆಮ್ಮದಿ ದೊರೆಯುತ್ತದೆ ಏನಂತೀರಿ?