(ಗೆಣಸಿನ ಹೂ)
ಗೆಣಸು ಅತ್ಯಂತ ಆರೋಗ್ಯಕರ ತರಕಾರಿಗಳಲ್ಲಿ ಒಂದು.
- ಗೆಣಸಿನಲ್ಲಿ ಬಹಳಷ್ಟು ವಿಧ ಗಳಿವೆಯಾದರೂ ನಾವು ಹೆಚ್ಚಾಗಿ ಬಳಸುವುದು ಸಿಹಿ ಗೆಣಸು(Sweet potato) ಮತ್ತು ಮರ ಗೆಣಸು (Tapioca).
- ಈ ಎರಡರದ್ದೂ ಆಕಾರ, ಬಣ್ಣ ಮತ್ತು ರುಚಿ ಜೊತೆಗೆ ಇವುಗಳಲ್ಲಿನ ಪೌಷ್ಟಿಕಾಂಶಗಳು ಮತ್ತು ಇವುಗಳ ಉಪಯೋಗ ಕೂಡಾ ಬೇರೇನೇ.
ಇವುಗಳ ಬಗ್ಗೆ ಚಿಕ್ಕ ಮಾಹಿತಿ.
೧) ಮರಗೆಣಸು (Tapioca).
- ಇದು ಶರ್ಕರ ಪಿಷ್ಟಗಳನ್ನ ಹೆಚ್ಚಾಗಿ ಹೊಂದಿದೆ.
- ಅಕ್ಕಿ ಮತ್ತು ಮೆಕ್ಕೆ ಜೋಳಗಳಂತೆ ಇದು ಕೂಡಾ ಅತ್ಯಂತ ಹೆಚ್ಚು ಕಾರ್ಬೊಹೈಡ್ರೇಟ್ ಹೊಂದಿದೆ.
- ಕಾರ್ಬೋಹೈಡ್ರೇಟ್ ಬಿಟ್ಟರೆ ಬೇರೆ ಜೀವಸತ್ವ ಮತ್ತು ಪ್ರೋಟೀನ್ ಅಂಶಗಳು ತುಂಬಾ ಕಡಿಮೆ ಪ್ರಮಾಣದಲ್ಲಿ ಇರುತ್ತವೆ.
- ಆಫ್ರಿಕಾ ಮತ್ತು ದಕ್ಷಿಣ ಅಮೆರಿಕಾದ ಅಭಿವೃದ್ಧಿಶೀಲ ರಾಷ್ಟ್ರಗಳಲ್ಲಿ ಇಂದಿಗೂ ಮರಗೆಣಸು ಪ್ರಮುಖ ಆಹಾರವಾಗಿ ಬಳಸ್ಪಡುತ್ತಿದೆ. ಐವತ್ತು ಕೋಟಿ ಜನರ ಹೊಟ್ಟೆಗೆ ಹಿಟ್ಟಾಗುತ್ತಿದೆ.
- ನೈಜೀರಿಯಾದಲ್ಲಿ ಮತ್ತು ಬ್ರೆಜಿಲ್ ಗಳಲ್ಲಿ ಇದರ ಉತ್ಪಾದನೆ ಹೆಚ್ಚು.
- ಥೈಲ್ಯಾಂಡ್ ನಿಂದ ಅತಿ ಹೆಚ್ಚು ಒಣಗಿದ ಮರಗೆಣಸು ರಫ್ತಾಗುತ್ತದೆ.
- ನಮ್ಮ ದೇಶದಲ್ಲಿ ಇದನ್ನ ಹೆಚ್ವು ಉಪಯೋಗಿಸುವ ರಾಜ್ಯ ಕೇರಳ.
- ಇದರ ರುಚಿ ಸ್ವಲ್ಪ ಕಹಿ ಮಿಶ್ರಿತ ಸಿಹಿಯಾಗಿರುವುದರಿಂದ ಇದು ತರಕಾರಿಯ ಚೀಲವನ್ನ ಸೇರುವುದೇ ಇಲ್ಲ.
- ಇದನ್ನ ನಾವು ಹೆಚ್ಚಾಗಿ ಚಿಪ್ಸ್ ಮತ್ತು ಹೋಳಿಗೆ ಗಳಂತಹ ತಿಂಡಿಗಳ ರೂಪದಲ್ಲಿ ಉಪಯೋಗಿಸುತ್ತೇವೆ.
- ಇದರ ಪುಡಿಯನ್ನ ಸೂಪ್, ಸಾಂಬಾರ್, ಕರಿಗಳನ್ನ ದಪ್ಪವಾಗಿಸಲು ಉಪಯೋಗಿಸುತ್ತೇವೆ.
೨) ಸಿಹಿ ಗೆಣಸು(Sweet potato)
- ಸಿಹಿ ಗೆಣಸು ತಿನ್ನಲು ರುಚಿಕರ ಮತ್ತು ಪುಷ್ಟಿದಾಯಕವಾದ ಆಹಾರವಾಗಿದೆ. ಇದನ್ನ ತರಕಾರಿಯಾಗಿ ಕೂಡಾ ಉಪಯೋಗಿಸುತ್ತೇವೆ.
ಇದರಿಂದ ಮಾಡುವ ಕೆಲವು ಖಾದ್ಯಗಳು.
- ಸಿಹಿ ಗೆಣಸಿನ ಹೋಳಿಗೆ
- ಸಿಹಿ ಗೆಣಸಿನ ಚಿಪ್ಸ್
- ಸಿಹಿ ಗೆಣಸಿನ ಪರೋಟ
- ಸಿಹಿ ಗೆಣಸಿನ ಖಾರದ ಪಲ್ಯ.
- ಸಿಹಿ ಗೆಣಸಿನ ಬಜ್ಜಿ
- ಸಿಹಿ ಗೆಣಸನ್ನ ಕೆಂಡದಲ್ಲಿ ಸುಟ್ಟು ಅಥವಾ ನೀರಿನಲ್ಲಿ ಬೇಯಿಸಿ ಹಾಗೇ ತಿನ್ನಬಹುದು.
ಇದರ ಕೆಲವು ಉಪಯೋಗಗಳು.
- ಇದು ಸಾಕಷ್ಟು ಪ್ರಮಾಣದ ವಿಟಮಿನ್ ಗಳು, ಕಬ್ಬಿಣ, ಸೋಡಿಯಂ, ಕ್ಯಾಲ್ಸಿಯಂ, ಝಿಂಕ್, ಮತ್ತು ಮೆಗ್ನಿಶಿಯಂ ಗಳಂತಹ ಹಲವಾರು ಪೋಷಕಾಂಶಗಳನ್ನ ಒದಗಿಸುತ್ತದೆ. ಇದು ಉತ್ತಮವಾದ ನಾರಿನಂಶವನ್ನ ಕೂಡಾ ಹೊಂದಿದೆ.
- ಇದರಲ್ಲಿನ ನೈಸರ್ಗಿಕ ಸಿಹಿಯು ದೇಹದ ಸಕ್ಕರೆ ಪ್ರಮಾಣವನ್ನು ನಿಯಂತ್ರಿಸುತ್ತದೆ.
- ಹೆಚ್ಚು ಫೈಬರ್ ಮತ್ತು ಪೊಟ್ಯಾಸಿಯಮ್‌ ಇರುವುದರಿಂದ ಹೃದಯಕ್ಕೂ ಪ್ರಿಯ, ಉದರಕ್ಕೂ ಪ್ರಿಯ.
- ನೆಗಡಿ ಮತ್ತು ಅಸ್ತಮಾಗೆ ಮದ್ದೂ ಹೌದು.
- ಇದರಲ್ಲಿನ ಮ್ಯಾಂಗನೀಸ್, ಫೋಲಿಕ್ ಆಸಿಡ್ ಮತ್ತು ಕಬ್ಬಿಣಗಳು ಮಹಿಳೆಯರಲ್ಲಿ ಕಾಡು ಬಹಳಷ್ಟು ಸಮಸ್ಯೆಗೆ ರಾಮಬಾಣವಾಬಲ್ಲದು.
- ಇದರಲ್ಲಿನ ಪ್ರೋಟೀನ್ ದೇಹದ ತೂಕವನ್ನ ಆರೋಗ್ಯಕರವಾಗಿ ಹೆಚ್ಚುಸಬಲ್ಲದು.
- ಇದರಲ್ಲಿ ಹೆಚ್ಚಿನ ಪ್ರಮಾಣದ ಸಿ ವಿಟಾಮಿನ್ ಇರುವುದರಿಂದ ದೇಹದ ರೋಗನಿರೋಧಕ ಶಕ್ತಿ ಹೆಚ್ಚುತ್ತದೆ ಮತ್ತು ಕಣ್ಣಿಗೆ ಕೂಡಾ ಒಳ್ಳೆಯದು.
ಇವು ಗೆಣಸಿನ ಬಗೆಗಿನ ಕೆಲವು ಮಾಹಿತಿಗಳು.